Ջազի հայկական ասոցիացիան պաշտոնապես հայտարարել է Ջազի միջազգային օրվա Երեւանում անցկացման մասին։ Տոնակատարությանը կմասնակցեն Հայաստանի պետական ջազ նվագախումբը և ֆրանսիական և համաշխարհային ջազի հրավիրյալ աստղեր Անդրե Մանուկյանն ու Չայնա Մոզեսը։
Անդրե Մանուկյանը (ծնվ. 09,04,1957) ֆրանսիացի կոմպոզիտոր, դաշնակահար, ջազմեն, գործիքավորող և երաժշտական պրոդյուսեր, երգահան, ռադիոհաղորդավար: Նրա սկավառակագրությունը ներառում է 5 սոլո ալբոմ, որոնցից 3-ը «հայկական առոգանությամբ»։ Նա նաև երկու տասնյակ ալբոմների պրոդյուսեր է, այդ թվում՝ Շառլ Ազնավուրի «Jazzaznavour»։
Երկար տարիներ նա եղել է ամերիկացի երգչուհի և հեռուստահաղորդավար Չայնա Մոզեսի (ծնված 09,01,1978) պրոդյուսերն ու գործընկերը, որի սկավառակագրությունը ներառում է 5 սոլո ալբոմ և մեկ EP (The Vibe Tribe-2021): Եվ ի դեպ, Չայնա Մոզեսը երգչուհի Դի Դի Բրիջուոթերի և ռեժիսոր Գիլբերտ Մոզեսի դուստրն է։
Երկու երաժիշտներն էլ Ջազի հայկական ասոցիացիայի հրավերով արդեն ելույթ են ունեցել Երևանում՝ 2021 թվականին Անդրե Մանուկյանը, 2018 թվականին՝ Չայնա Մոզեսը։ Այնուհետև նա երգեց Հայաստանի պետական ջազի նվագակցությամբ՝ Արմեն Հյուսնունցի ղեկավարությամբ, ինչպես նաև կատարման մի մասը բասիստ և թավջութակահար Արտյոմ Մանուկյանի քառյակի հետ։ Իսկ այս անգամ նրան, բացի պետական ջազից, կնվագակցեն դաշնակահար Վահագն Հայրապետյանը, Արտյոմ Մանուկյանը և թմբկահար Արման Մնացականյանը։
Համերգը տեղի կունենա Գաֆեսճեան արվեստի կենտրոնի այգում։
Բացօթյա ելույթից հետո MEZZO ակումբում տեղի կունենա Անդրե Մանուկյանի և Չայնա Մոզեսի համերգը։