2022 թվականի մայիսի 1-ից մինչև մայիսի 4-ը «Ուլիխանյան» ակումբում կանցկացվի հայկական ջազ փառատոնի հերթական՝ արդեն երրորդ մասը, որը մտահղացել և անցկացնում է ակումբի ղեկավարությունը և www.ArmJazz.Info կայքի խմբագիրները, հայ հեղինակների և երիտասարդ ստեղծագործող հայ երաժիշտների ստեղծագործությունները հանրահռչակելու նպատակով։
Պատահական չէ, որ փառատոնը կոչվում է «4 Seasons», քանի որ ի սկզբանե որոշված էր այն անցկացնել ամեն սեզոն։ Ըստ այդմ, փառատոնի «Աշուն» և «Ձմեռ» հատվածներն անցել են մեծ հաջողությամբ։ Հերթը «Գարնանն» է։
Մայիսի առաջին օրերին ջազի սիրահարների համար ելույթ կունենան 4 համույթներ.
1 Մայիս – Artur Grigoryan & Friends
2 Մայիս – LK Trio
3 Մայիս – «Decentralized» quartet
4 Մայիս – «The Birds»
Թիմերից յուրաքանչյուրն իր ծրագիրը կներկայացնի ուրույն ոճով՝ համապատասխանաբար ֆանկ, new age, մոդեռն և էթնո-ջազ։
Ulikhanyan Jazz Club-ը և www.ArmJazz.Info-ն հրավիրում են ջազի սիրահարներին և նրանց խոստանում չորս հիանալի երեկո: